إنت إزاي

محمد السيوفي

إنت إزاي
رفيق يسي
إنت إزاي كده؟
إنت إزاي سايب نفسك للظروف والحياة تأخدك وتودّيك؟
إزاي قاعد ساكت وعمال تلعب طاولة ودومينو على القهوه؟
إزاي سايب صحّتك في النازل ولا تفكّر في مستقبلك؟
إزاي قادر تقعد من غير شغل؟
إزاي بتفكّر في حياتك بإبداع تعيش به طول عمرك، وتحقّق أهدافك بنجاح وتميّز، ويتكتب إسمك في التاريخ؟
كيف تترك بصمة في المجتمع و يكون لك تأثير في كلّ مَن حولك؟
كيف تكون أو تكوني شخصيّة لها دور في الإصلاح من نفسك أوّلاً ثمّ الإصلاح بالعدوى في كلّ من حولك؟
العدوى بمعني إنّك تتصرّف بطريقة إيجابيّة وفاعليّة طول الوقت مهما حصل، تعمل ما يرضي ضميرك وربّك.
ربّنا خلق الإنسان مميّزاً بالعقل، فكّر .. إنت إزاي تستخدم عقلك لخدمة نفسك والإنسانيّة والمجتمع؟
كيف تكون إنسانا يصفّق له الجميع ويستشيرونه في أمور حياتهم؟
إنت إزاي ؟؟؟
سؤال له معان كثيرة وله إجابات كثيرة، لكن الشاطر الذي يجعل تصرفاته إجابة، حياتك في إيدك أمانة، إمّا تصونها وتحافظ عليها وتعتني بها، وإمّا تهملها وتضيع منك، ساعتها تندم وتقول يا ليتني!!!
أنا واثق أنّ كلّ واحد بيقرأ هذا الكلام هو فاهم كويس قصدي، وفي ناس هتلحق نفسها، و تبدأ حالاً في خطوة جديدة ومهمّة في حياتها ،،،
وناس هتقرأ كلامي وتقول أهو كلام ،،، أنت يا رفيق مش عارف حاجة،،،
لكن أكرّر سؤالي على كلّ شخص فيكم إنت إزاي؟
إنت إزاي ؟!!!
و الي لقاء في المقال الخامس من سلسلة إنت ؟؟؟